...

ibivugwa.com

Kuranga Digital yahuguye abanyeshuri 109, 80 muri bo bafite akazi Biteguye Kugakora naza

Rate this post

Yanditswe na Diogenes Pajojo

Abanyeshuri 109 ni bo bahawe amahugurwa mu bijyanye n’icungamutungo, ibaruramari n’ikoranabuhanga na Kuranga Digital Ltd, ikigo gitanga serivisi z’ikoranabuhanga zijyanye n’icungamutungo n’ibaruramari. Muri aba banyeshuri, 80 bamaze kubona akazi.
Aya mahugurwa agamije guha abarangije kaminuza ubumenyi ngiro bubafasha kunoza imirimo yabo, kwitegura isoko ry’umurimo no kwihangira imirimo.
Abahuguwe bigishijwe gukoresha porogaramu z’ibaruramari zirimo QuickBooks, ifasha mu kwandika amafaranga yinjiye n’ayakoreshejwe, gukurikirana amafaranga abakiriya bagomba kwishyura, kwandika imyenda ikigo gifitiye abandi, gutegura inyandiko z’ibaruramari no gukora raporo zigaragaza uko umutungo w’ikigo uhagaze.
Emelance Uwimpuhwe, umwe mu bahawe aya mahugurwa, ni umwe mu bungukiwe n’iyi gahunda, kuko yabashije kubona akazi. Urugendo rwe rugaragaza uko ubumenyi ngiro mu ikoranabuhanga n’ibaruramari bushobora gufasha abarangije amasomo kwinjira ku isoko ry’umurimo.
Yagize Ari : “Amahugurwa nahawe na Kuranga Digital yaramfashije cyane, cyane cyane mu kongera ubumenyi mu ikoranabuhanga no mu micungire y’imari. Ubumenyi nungutse bwamfashije kwitegura isoko ry’umurimo no kubona akazi. Ndasaba urubyiruko gukomeza gushaka ubumenyi ngiro bujyanye n’ibikenewe ku isoko ry’umurimo, kuko bushobora kurufungurira amahirwe menshi.
Pascal na we ni umwe mu banyeshuri bahuguwe na Kuranga Digital. Kuri ubu ni umwarimu muri KEPLA, aho agaragaza urugendo yanyuzemo n’uruhare aya mahugurwa yagize mu kumufasha kugera ku kazi akora uyu munsi.
Yagize Ari :  Urugendo nagiriye muri Kuranga Digital rwamfashije kongera ubumenyi ngiro no kumenya gukoresha porogaramu z’ikoranabuhanga mu kazi. Ubu ndi umwarimu muri KEPLA, kandi mbona ko kwiga ubumenyi bufatika bifasha umuntu kunoza ibyo akora no kwitegura amahirwe mashya. Ndasaba urubyiruko kudahagarara ku byo rwize muri kaminuza gusa, ahubwo rugakomeza kwihugura no kongera ubushobozi.
Uwitonze Patrick Aimable, Umuyobozi wa Kuranga Digital, avuga ko aya mahugurwa agamije gufasha abarangije kaminuza kunoza umwuga wabo no kubaha ubumenyi bubafasha kubona akazi no kwihangira imirimo.
Yagize ati: “Amasomo yacu agamije kunoza umwuga, kuko twigisha abanyeshuri barangije kaminuza gukoresha porogaramu zigezweho zibafasha kunoza imirimo yabo. Tunabigisha kwihangira umurimo, kuko ubumenyi dutanga buri ku rwego mpuzamahanga, ku buryo aho wajya hose ku isi ushobora gukora akazi cyangwa kwihangira umurimo.”
Dian Sengati, umuyobozi muri Minisiteri y’Uburezi mu ishami ry’ikoranabuhanga, agaragaza uruhare rw’ubu bumenyi mu gufasha urubyiruko kwitegura isoko ry’umurimo rishingiye ku ikoranabuhanga.
Yakomeje agira ati : Turashishikariza aba banyeshuri basoje amahugurwa kudahagararira ku mpamyabushobozi bahawe, ahubwo bagakoresha ubumenyi bungutse mu gushaka akazi no kwihangira imirimo. Ikoranabuhanga rikomeje guhindura imikorere y’inzego zitandukanye, bityo ni ngombwa ko urubyiruko rukomeza kwihugura no kongera ubushobozi kugira ngo rubashe guhangana n’ibikenewe ku isoko ry’umurimo. Turanabasaba guharanira gukora kinyamwuga, kugira udushya no gukoresha ubumenyi bafite mu guteza imbere igihugu.
Mu gihe ibigo byinshi bikomeje kwitabira ikoranabuhanga mu micungire y’imari, abakozi bafite ubumenyi mu gukoresha porogaramu z’ibaruramari bashobora kugira uruhare mu kunoza imikorere y’ibigo no gufasha abakoresha babo kubona amakuru yizewe kandi ku gihe.
Kuranga Digital ivuga ko mu myaka itandukanye imaze guhugura abanyeshuri 898, mu rwego rwo kubongerera ubumenyi mu ikoranabuhanga no kubafasha kubona akazi no kwihangira imirimo.

 

Related posts

1 0

Leave a comment

Leave a Reply

Your email address will not be published. Required fields are marked *

Get In Touch

+250 791169327

+250 783288024

ibivugwakwisi@gmail.com

Follow Us

© www.ibivugwa.com . All Rights Reserved. | Design & develop by Pacoder

Seraphinite AcceleratorOptimized by Seraphinite Accelerator
Turns on site high speed to be attractive for people and search engines.